Abian da Ziberkazetaritzaren Nazioarteko XI. Kongresua

“Aktore eta estrategia berriak testuinguru mediatiko partekatuan” izenburu hartuta, kazetaritza parte-hartzailea izango dute ardatz hainbat adituk. EgunkHari-k jarraipen berezia egingo du

---

Amaia BALENTZIAGA VILLAR

Koldo Meso, Patxi Juaristi eta Simon Peña Ziberkazetaritzaren Nazioarteko XI. Kongresua irekitzen. Iturria: Ander Elordui

Ziberkazetaritzaren Nazioarteko XI. Kongresua ireki du EHUko Kazetaritza II Sailak Bilboko Bizkaia Aretoan. Bi egunez, gaur eta bihar, kazetaritza parte-hartzailea izango da biltzarraren gai ardatza, eta “Aktore eta estrategia berriak testuinguru mediatiko partekatuan” izango du izenburu. Izan ere, antolatzaileen arabera, “eraldatze eta ziurgabetasun aroa” bizi du kazetaritzak, informazio aniztasuna eta kontsumitzeko ohitura berriak direla-eta. EgunkHari-k Kongresuko egitarau osoaren jarraipen berezia egingo du.