Libe Mimenza: "Ez da kasualitatea gizonezkoak izatea erreferenteak"

Multimedia komunikazioa eta transmedia alorra ditu ogibide eta ikerketa-gai Libe Mimenzak (Elorrio, 1988). Izan ere, Euskal Hedabideen Behategiko koordinatzailea da, eta NOR Ikerketa Taldeko kidea. Baina komunikazio feminista ere bada bere lanaren parte, eta gaurkoan, horixe izan du hizpide Maite Asensio (Berria), Asier Rufo (EHU) eta Arantza Gutierrezekin (EHU) batera, “Komunikazio feminista euskarri berrietan” mahainguruan.